Македонско-Руската стопанска комора е основана и промовирана во рамки на третата меѓувладина седница на одржана на 25 Март 2005 година во Скопје.
Во услови на создавање на коморски плурализам, група ентузијасти од руско македонското друштво за пријателство и трговскиот претставник на Руската Федерација во Република Македонија ја покренаа иницијативата за формирање на една ваква невладина организација. Основниот мотив беше таа да биде мост за обновување и поставување на нови бизнис релации помеѓу македонските и руските бизнисмени.
Денес, Македонска Руска Стопанска Комора претставува составен дел на коморскиот живот во земјата. Преку својата работа успеа да си го пронајде местото во однос на соработката со бизнис заедницата и да ја задржи основната цел на своето постоење, односно да биде вистинската врска за бизнисмените од Република Македонија и Руската Федерација.
Македонска Руска Стопанска Комора е партнер со Стопанската комора на РФ, како и на повеќе регионални руски комори: Московската, Санкт Петербуршката, Ленинградската регионална стопанска комора, Ростовската, Самарската, Липецката, Вороњешката, Вологодската како и комората на Сочи.
Притоа, врз основа на континуираната соработка со македонските институции, комората се изгради и како доверлив партнер на полето на соработка со Руската Федерација, и поради тоа е член на мешовитата Македонско- Руска меѓувладина комисија за трговско-економска и научно-техничка соработка.
Сето ова е значајно, пред се, поради тоа што за Македонска Руска Стопанска Комора во прв ред се интересите на нејзините членови. Бидејки без поддршката на сите поранешни и сегашни компании членови на комората, таа немаше да биде тоа што е.
Нашето мото е:
„Мост за стопанско поврзување на Република Македонија и Руската Федерација“
Адреса: ул. „Македонија“бр.19 1000 Скопје
Контакт телефон: + 389 2 32 33 370,
Мобилен телефон: + 389 70 302-950
Е-пошта: maruko@t-home.mk; marukomk@gmail.com