Прилепскиот гигант „Микросам“, членка на Македонско-руската стопанска комора,   е една од ретките компании кои ја покажаа својата великодушност во овие тешки времиња за прилепското здравство. Од компанијата донираа гермицидна ламба за стерилизирање на воздухот во медицинските простории на прилепската градска болница „Борка Талески“.

Уште еднаш испраќаме голема благодарност до Микросам за подршката во напорите за справување со состојбата со Ковид 19. Луна Мини-УВ решението за брза,лесна и ефикасна дезинфекција го предаде во рацете на раководителот на одделението за педијатрија д-р Ана Ѓорѓиоска, која во знак на благодарност им подари пригоден подарок. Луна мини е гермицидна ламба за стерилизирање на воздухот во медицинските простории. Благодарност  на Микросам“, домашна фирма со глобални достигнувања, која посветено ја подржува заедницата. Да Ви се множат успесите Микросам!За заедничко добро на сите! – напишаа од прилепската општа болница “Борка Талески” на Фејсбук.