„ЛАДА ВЕСТА“ ГО ПРЕТРКА „ХЈУНДАИ СОЛАРИС“ НА ЕВРОПСКИОТ ПАЗАР

За првото полугодие од годинава седанот на “Лада Веста” – Lada Vesta влезе во Топ-100 најпопуларни модели на автомобили на европскиот пазар и го претекне по продажбата “Хјундаи Соларис” (Hyundai Solaris), – соопшти ЗаРулем.ru деновиве.
Со своите 34.999 продадени автомобилa руската марка ја зазеде 87-та позиција меѓу првите 100 најпопуларни автомобили на европскиот пазар. За малку е подобар Peugeot 108 ( кој продаде 197 автомобили повеќе од руската марка), но пак таа се продава подобро од Audi Q5 (-185 автомобили) и Range Rover Evoque (-222 автомобили). Hyundai Solaris ја зазема 93-та позиција со 32. 798 продадени возила.
Таквиот распоред предизвикува големо изненадување. Но, важно е да се напомене дека експертите од аналитичката агенција Focus2Move кон европскиот пазар ги вбројуваат, не само „Стариот континент“, туку и Русија, Турција, Украина, Белорусија, Молдавија и други земји. Ако од резултатите на Lada Vesta ја извадиме продажбата на рускиот внатрешен пазар (34.595), тогаш излегува дека извозните продажба на рускиот седан се едвај 404 возила. А, Hyundai Solaris во Европа не е достапен за сите.
Лидер во продажбата 11-та години по ред останува Volkswagen Golf. Во интерес на вистината, поради смената на генерациите и сите скандали околу германската марка, во периодот јануари-јуни продажбата му се намалила за 11% и достигнала 279. 370 автомобили, наведува весникот. Компанијата си го задржа и второто место со хечбек моделот Polo, чија продажба се зголемила за 1,1% достигнувајќи 205.213 парчиња.