Производството на злато во Русија 2019 година беше рекордно – надмина 360 тони злато, а годинава се очекува и нов рекорд, вели руски експерт.
Во интервјуто за РИА „Новости“ експертот на руската банка „ВТБ Капитал“ Атанас Џумалиев изјави дека Русија во 2019 година ја надминала Австралија по производството на злато и дека се очекува дека оваа, 2020 година, ќе биде произведено уште повеќе.
Производството на злато во Русија, според процената на Сојузот на производители на злато, во 2019 година во однос на 2018 пораснало за 12 отсто – на 368 тони.
Извозот на злато во прачки од Русија минатата година порасна осум пати и изнесуваше повеќе од 116 тони во споредба со 13,9 тони во 2018 година.(Руска Реч)
