Три автомобили, скутери, ховерборди, ЛЕД телевизори, таблети и уште над 500 други вредни награди се дел од големата наградна игра на ПИ „Витаминка“ од Прилеп, членка на Македонска-руската стопанска комора и омилените грицки „Стоби Флипс“, „Чоко Стоби Флипс“ и „Стоби Стикс“.
Наградната игра „Стобиранка“ започнува на 20 септември и ќе трае до 25 декември, кога е последното извлекување на добитниците. За учество и можност за добивање на некоја од бројните награди, потребно е само да се соберат 5 празни кесички од „Стоби Флипс“, „Чоко Стоби Флипс“ или од „Стоби Стикс“ од кој било вкус и грамажа, да се стават во плик и пликот да се остави во видливо обележаните кутии во продажните места низ целата држава или да се испратат по пошта на адреса на компанијата.
-Како бренд што поврзува генерации и некако го следи развојот на „Витаминка“, се решивме да направиме наградна игра за производи од брендот „Стоби“. На овој начин сакаме да им се заблагодариме на потрошувачите кои го ценат квалитетот на овој производ што прерасна во домашен бренд број еден, – изјави Владимир Трпаноски, комерцијален директор на „Витаминка“.
„Стобиранка“ има вкупен фонд од над 100.000 евра и со три циклуси на извлекување и наградување. Првото извлекување ќе биде на 23 oктомври, второто на 27 ноември и третото на 25 декември. Од првите две извлекувања ќе биде доделен по еден автомобил „Тојота јарис“ (Toyota Yaris) и други вредни награди, додека на третото извлекување главната награда е најновиот модел на „Тојота Ц-ХР хибрид“ (Toyota C-HR Hybrid). Среќниот добитник ќе биде првиот сопственик на овој автомобил во Македонија. Неизвлечените пликови од првото извлекување ќе учествуваат во второто, а од првото и второто извлекување ќе учествуваат и во третото.(„Витаминка“)