Cредба со претставниците на Директоратот за економска дипломатија при МНР

Претставници на Македонска Руска Стопанска Комора имаа средба со претставниците на Директоратот за економска дипломатија при МНР. Целта на средбата беше координација на активностите кои комората ќе ги оствари во соработка со партнерите од Руската Федерација.

Средба помеѓу секретарите на Меѓувладината комисија

На ден 25.03.2010 год. Беше одржана средба во министерството за финансии помеѓу секретарите на Меѓувладината комисија од двете земји. Целта на средбата е подготовка на материјалите за средбите на комисијата која ќе се одржи во текот на оваа година. Исто така, во предвид се земени и предлозите доставени на анкетните листови од членките на Македонска Руска Стопанска Комора.

Деловна средба „Русија –постојан предизвик на македонското стопанство“

На ден 24.03.2010 год. Во Скопје се одржа деловна средба „Русија -постојан предизвик на македонското стопанство“. На средбат а која се одржа во чест на 5 години од формирањето на Македонска Руска Стопанска Комора учествуваа Министерот за финансии на Република Македонија Г-дин Зоран Ставрески, зам. министерот за економски развој на Руската Федерација Г-дин Андреј Николаевич Хрипунов како и Амбасадорот на Руската Федерација во Република Македонија г-дин Владимир Солоцински. На средбата беше истакнато дека Македонија ќе иницира либерализација на стоковата размена со Русија преку потпишување договор за слободна трговија, трговија без царини, најави министерот за финансии Зоран Ставрески. Министерот Ставрески истакна дека бесцаринската трговија е од интерес на двете земји и оти се надева дека и Русија ќе ја поддржи иницијативата. Преку Македонско-руската стопанска комора, информира Ставрески, се настојува да се остварат контакти со компании во внатрешноста на Русија за да се освоиме поинтензивно големиот руски пазар. - Тој претставува голем потенцијал за македонскиот извоз, пред се во делот на земјоделството и градежништвото како сектори кои можат да бидат повеќе присутни на тој пазар. Во тој контекст многу е значајно да иницираме евентуално ослободување на извозот на македонски стоки од плаќање царина, прашање што ќе го покренеме на првата наредна средба на мешовитата македонско-руска комисија, рече Ставрески. Очекуваме, додаде тој, интензивирање на соработката и во обратна насока, односно во енергетиката, рударството и во други области каде Владата планира неколку крупни инфаструктурни проекти. - Руските компании имаат добри конкурентски предности и можат да најдат свој интерес во Македонија. На среден рок би требало да дојде до зголемување на извозот на македонски стоки во Русија, намалување на дефицитот и зголемување на вкупната размена на стоки, оцени министерот за финансии. Тој најави дека најдоцна до мај ќе се создадат сите услови да се врати клириншкиот долг од Русија кон Македонија во износ од 60 милиони долари. - Македонската страна е подготвена за потпишување на спогодбата за регулирање на клириншки долг. Поради промени на претседавачот од руска страна може средбата да биде одложена за две - три недели, но очекуваме во најкраток рок најдоцна до крајот на мај годинава конечно да го затвориме тоа прашање, рече Ставрески. Рускиот Амбасадор во Скопје Владимир Солоцински им порача на македонските компании да бараат партнери не само во Москва и московската област, туку и во регионите на Русија каде ќе бидат барани повеќе и ќе можат да конкурираат со други странски компании. Според Солоцински, најважни задачи во трговските односи меѓу двете земји остануваат соочувањето со огромниот трговски дисбаланс, кој, како што рече, создава обременувачки дефицит за македонската економија, како и диверсификација на рускиот извоз во Македонија. Амабасадорот Солоцински побара и што поскоро обновување на работата на меѓувладината руско македонска комисија за трговско-економска и научно техничка соработка. На значењето на заседавањето на комисијата укажа и Ѓорѓи Дика, претседател на Македонско-руската стопанска комора, заради надминување на повеќе проблеми, меѓу кои и губењето идентитет на македонските производи во Русија. - На голем број македонски прозводи им се губи идентитетот, односно тие во банката на податоци на статистиките на институциите на Руската федерација може да се најдат под туѓо знаме. Тоа се случува поради користење на посредни изозници од Србија како најпогодна земја поради спогодба за слободна трговија, но и од Бугарија, рече Дика. Како големи пречки за трговските односи меѓу двете држави Дика го наведе отсуството на железничка и авионска врска. Во однос на соседите од регионот, оцени Дика, станува јасно дека Македонија изгледа како осамен остров во економската соработка со Руската федерација. Истовремено сме сведоци на огромни инвестиции на Русија во Бугарија, Црна Гора и Србија, рече Дика. Обемот на трговската размена меѓу Македонија и Русија, по повеќегодишниот раст минатата година изнесуваше 517 милиони долари, или за 46 проценти помалку во однос на 2008 годона. Високиот дефицит во вкупната размена на македонска страна остана. Увозот од Русија изнесуваше 495 милиони долари или 47 проценти помалку во однос на 2008 година, а изност на македонскиот извоз беше 22,5 милиони долари односно 31 процент помалку.

Во Скопје пристигнаа тур оператори

На ден 23.03.2010 год Во Скопје пристигнаа тур оператори од Ростовската област кој имаа директни бизнис средби со македонските туристички агенции истиот ден, а исто така, беа во посета на хотели и имаа средба со хотелиерите во Охрид на ден 25.03.2010 год. Тур операторите согласно програмата која беше реализирана од 23- 29.03. 2010 год ги посетија сите знаменитости на републиката со цел подобро претставување на истите пред потенцијалните руски туристи
.

Втора средба со претставникот на Стопанска Комора на РФ

На ден 12.03.2010 год. Беше одржана втора средба со претставникот на руската стопанската комора г-дин Григориј Ростовски со цел координација на активностите по повод меѓувладината седница. Со Г-дин Ростовски изработивме Анкетен лист кој ќе биде испратен до секоја компанија членка со цел предлог измени на листата на производи кои се застапени во размената со цел нивно имплементирање во новиот договор помеѓу двете земји.

Состанок во Министерството за економија

На ден 10.03.2010 год. Беше одржан состанок во Министерството за економија, во врска престојното гостување на тур оператори од Руската Федерација од Ростовска област кои ќе ја посетат Република Македонија на покана на Комората, а во исто време агендата за посети и средба со хотелиери ќе биде во соработка со Агенцијата за промоција и поддршка на туризмот во Република Македонија.

Средба меѓу претставниците на Комората и АгБиз

Во просториите на АгБиз програмата за подршка на извоз на земјоделски производи од Република Македонија се одржа средба меѓу претставниците на Комората и АгБиз со цел започнување на подготовките за учество на саемот за свежо овошје и зеленчук во месец Септември во Москва. На средбата беа присутни и претставници од компаниите кои се заинтересирани за учество на истиот.

Средба со претставникот на СК на Русија

На ден 25.02.2010 год. Беше одржана средба со претставникот на стопанската комора на Руската Федерација г-дин Ростовски Григориј со цел координација на активностите по повод меѓувладината седница. Имено, Г-дин Ростовски побара од македонска руска стопанска комора предлог измени на листата на производи кои се застапени во размената со цел нивно имплементирање во новиот договор помеѓу двете земји.

Работна средба со претставникот на МНР

Во МНР беше одржана работна средба со г-дин Крум Ефремов во врска престојната седница меѓувладината комисија и активно вклучување на македонска руска стопанска комора и нејзните членки во работата на комисијата.

Средба со претставниците на Текстилната асоцијација

На ден 26.01.2010 год Се одржа работна средба со претставниците на Текстилната асоцијација со цел пронаоѓање на партнери во Русија. На средбата беa присутни Г-дин Мајкл Фиман и г-ѓа Наташа Сивевска - директор на асоцијацијата.