Продолжува опаѓањето на вкупната стоковна размена меѓу Република Северна Македонија и Руската Федерација. До крајот на август трговијата меѓу двете земји ја достигна вредноста од 232,7 милиони САД долари (лани во истиот период 265,6 милиони САД долари), што е пад од 12,4 отсто.
Македонските компании во овој период пласирале стока на овој пазар за 33,7 милиони САД долари (лани во овој период 35,8 милиони САД долари) што е опаѓање од само 5,8 отсто.
Опаѓа и македонскиот увоз од Руската Федерација.За осум месеци тој е помал за 13,4 отсто.Од оваа земја се купени производи за 198,9 милиони САД долари (лани 229,7 милиони САД долари).
И натаму земјава бележи висок трговски дефицит во размената со оваа земја и до крајот на август тој изнесува 165,1 милиони САД долари.
