Производите за здрава храна на “Виталиа”, членка на Македонско-руската стопанска комора, сериозно го освојуваат азискиот континент. Овој пат тоа е најголемата земја на Арапскиот Полуостров – Саудиска Арабија, а соработката и пласманот на овој македонски бренд започнаа во 2017 година.
Најмалку педесет производи од „Виталиа“ можат да се најдат на полиците во маркетите во Саудиска Арабија, а од нив најголем интерес има за премиум баровите и спортските барови.
Овој успех се должи на квалитетот на внимателно селектираните производи кои се одликуваат со здрави нутритивни состојки и врвен квалитет.
Во Саудиска Арабија се наоѓаат најсветите муслимански места – Мека и Медина. Таму половина од населението го сочинуваат лица помлади од 25 години, па логична е и потребата за здрава исхрана и вежбање. Од октомври 2018 година, саудиската економија стана најголема на Блискиот Исток и 18-тата најголема во светот.
„Виталиа“ е најголемиот производител на здрава храна во Македонија, компанија која е рангирана меѓу најголемите извозници во прехранбената индустрии во Република Македонија. Иновативна компанија, која ги следи потребите на потрошувачите и која создава здрави производи за различни генерации и различни целни групи.
